قصة كريم

الأحد فبراير 26, 2017 6:33 am

مي وتامر كانوا فضلهم ٢٠ يوم ويتجوزوا .
بدأو يجهزوا شقتهم وبيجيبوا العزال وحاجة الفرح
راحوا يتفقوا مع الكوافير اللي هتروحله مي
اتفقوا هيا وتامر يروحوا النهارده يحجزوا الكوافير.
ولما الساعه جت 4 العصر اتصل تامر بيها
وقالها يالا يابنتي مستنيكي قدام البيت
ردت عليه حاضر انا نزلالك دلوقتي دقيقه واكون عندك
نزلت مي وأول ما نزلت
سمعت صفاره إعجاب من تامر
ايه يابنتي الحلاوة دي يخربيتك
ردت بكسوف .
بس بقي بلاش كدب يالا علشان نلحق الكوافير .
يالا ياعسل انتي .
ركبوا العربية ووصلوا للكوافير .
.قالت له استني انت بقي هدخل أنا لوحدي
لا هدخل معاكي.
ايوه يا اخويا عاوز تدخل تشوف البنات اللي جوه .
ياحبيبتي انا حد يملي عيني غيرك.
لحظات وكان فيه واحدة معدية عليهم بصت عليه جامد .
مي ادايقت وقالتله بتبوصلك كده ليه دي يااستاذ
والله يابنتي ما اعرف انا مالي بس .
دقايق وقطعت كلامهم البنت دي وسلمت عليه جدا.
اذيك ياتامر عامل ايه .
تامر :ايه ده اذيك يابنتي عامله ايه يخربيتك فينك من زمان
مي بتبوصلهم هما الاتنين بصات غريبه . جدا.
مي بسرعه قالت متعرفناش ،ومسكت إديها وسلمت عليها كانت عاوزة تلفت نظرها ليها أجبرتها ع السلام .
تامر علشان يلحق الموقع قالها خطيبتي مي .
ودي يامي صحبتي كانت معايا في الجامعه اسمها شيماء .
ببرود ردت شيماء ايه ده اخص عليك يا تامر بقي قده متقوليش إنك خطبت .
ردت مي قبل ما يرد تامر لا ياحبيبتي ملحوقة فرحنا كمان ٢٠ يوم
سمعت الكلمه من هنا شيماء ووشها اتغير لونه واحمر . جدا
وقالت مبروك ياحبيبتي . .انتم داخلين الكوافير ولا ايه
تامر رد قالها اه علشان نحجز الكوافير.
طيب تعالوا معانا .
وهما داخلين على الكوافير شيماء قالتلهم لا تعالوا من هنا .
ودخلوا المكتب وقالت شيماء :أهلا بيكم في الكوافير بتاعي .
فالها تامر ايه ده هوه ده كوافيرك
ابوه يابني من مده كمان .
مي لا احنا مش هنحجز كوافير يالا يا تامر
شيماء ليه بس كده متخافيش مش هناخد منكم فلوس ده تامر غالي عليا
الكلام دايق مي اكتر واكتر وشيماء بتقصد تستفزها .
تامر يالا من هنا .
طيب نستاذن احنا يا شيماء .
اوك زي ما تحبوا ده كارت بتاعي
وقبل ما يمد ايده ياخده مي قامت ساحباه من اديها.
وقالتلها ببرود. ماشي هنبقي نتصل.
أول ما طلعوا من الكوافير
كانوا ساكتين لا مي بتكلمه ولا هوه بيكلمها.
لحد ما ركبوا العربية .
وزي ما يكون انفجرت بقولك ايه .
مين الهانم دي وتعرفها منين وإيه بينكم .
ايه ايه ده كله براحه يابنتي ربنا يهديكي
ملكش دعوه بيا انا دلوقتي قولي تعرف البت دي منين
ياستي والله كانت صحبتي في الكليه . بس مش اكتر
أمال كانت بتكلمك بعشم كدا ليه كأنها تعرفك كويس .
يووه مي خليكي واثقه فيا
طيب هيا ليه عطيتك الكارت بتاعها
واحده بتديني كارت أرميه في وشها؟
اه . ارميه
انت بتهزرى يابنتي؟؟
تامر :وصلني البيت .

بدون ما يرد عليها وصلها لحد البيت وقالها اتفضلي
شكرا .
مش هنروح نححز كوافير تاني طيب
لا مفيش فرح اصلا
يابنتي انت مجنونة ولا ايه؟
انا هسيبك دلوقتي واكلمك بعدين لما تهدي
بعد ما روح محمد ع الساعه ١٠ بليل .بيبص في التليفون كأنه بيقوله مفيش رنه منها!!
كان يمسك التليفون ويفتح على رقمها ويرن وقبل ما يتصل يفصل .
فضل كده اكتر من مره لحد ما فى مره ساب الرنه لحد أخرها
ردت عليه بسرعه جدا كانها كانت مستنياه
-ألو مي.
-ألو
-عامله ايه؟
-الحمد لله
-وانت؟
-أهو تمام
-مال صوتك ؟
-مليش
مي :مش عاوزك تزعلي انت عارفه اني بحبك
أنا بغير عليك ياتامر علشان بحبك لو مش بحبك مش هغير عليك
أنا عارف ياحبيبتي واحنا ملناش غير بعض اصلا .
ربنا يخليك ليا .
وعلشان بقي اثبتلك اني بثق فيك احنا هنروح نححز الكوافير وكمان عند صحبتك دي
ما بلاش مش عاوزين مشاكل
لا أنا قولت عندها يبقي خلاص .
خلاص انت حره بقي .
بكره تجيلي الصبح
خلاص ماشي ياموزه انت
بس بقي أنا هنام
ماشى تصبحى علي خير هتوحشينى
انت كمان هتوحشني أوي ياحبيبي..
.
قفل المكالمة من هنا لقي تيلفونه بيرن .
-فرد قال :ألو
-اذيك ياتيمو؟
-مين معايا
-أنا شيماء يابني
-ايه ده جبتي رقمي منين؟
-مش شغلك بقى المهم انت عامل ايه ؟
-الحمد لله وانتى
أنا كويسه طول ما انت كويس.
بس خطيبتك دي رخمه اوي
-ليه كده بس دى طيبه أوي والله
المهم بقولك احنا هنجيلك بكره علشان نحجز بقي
-ايه ده مش كانت غيرت رايها ؟
-لا هيا قالتلي خلاص هتحجز عندك
-خلاص ماشي ياتيمو هستناك.
-بس إوعي تقولي بكره إنك كلمتيني
-ايه ده انت بتخاف منها من دلوفتي
-لا عادي بس علشان متزعلش
-ولا يهمك ياتيمو. ماشي.
..
تاني يوم
اتصل تامر علي مي قالها اجهزي أنا جايلك.
ورحلها عند البيت وطلعوا علي الكوافير.
دخلوا مكتب شيماء رحبت بيهم
وطلبت ليهم عصير.
وبدأ تامر يتكلم
هندفع كام علشان الحجز احنا عاوزين أحلى حاجه
انت بتقول ايه يا تيمو؟
بصت ليها مي بصه غريبه
بسرعه غيرت طريقة الكلام اقصد ياتامر انت بتقول ايه ؟ واللهي ماخد حاجه منك ابدا .
-ردت مي هيا وقالتلها لو سمحتي هنتعامل زي أي زباين عندك .
-خلاص اللي تحبيه عدي بره واحجزي وانا هوصيهم عليكم جامد.
وقامت من مكانها اتحركت لي المكتب طلعت منه كريم .
قالتلها ده هديه ليكي مش بيطلع غبر للغالين.
ادهني بيه وشك كل يوم هيخلي وشك بدر
قالتلها . شكرا ربنا يخليكي .
واستأذنوا وخرجوا حجزوا وبعدين مشوا
وصل تامر مي للبيت وودعها .
طلعت مي دخلت اوضتها فتحت الكريم علشان تدهن منه
دهنت وشها وراحت تنام
بدات قلبها يدق وتحس ان جسمها كله سخن .
المهم نامت الساعه 4 بالظبط صحيت حست انها قلقانه .
فتحت عنيها اول ما فتحت نظرها وقع علي خيال علي الحيطه .
افتكرته خيالها بس الخيال و واقف هيا لسه مقمتش من علي السرير .
قامت مشيت علشان تقيد النور لقت الخيال ماشي معاها اطمنت شويه لانها عرفت ان ده خيالها
بس فجأة الخيال بيجري علي الحيطه ويجي مكانه .

وقفت مكاناها ، مي خافت من اللي بيحصل وقامت صارخة بصوت عالى جدا و وقعت من طولها.
مامتها سمعت الصوت جتلها جري.
لقيتها واقعه في الارض نقلتها علي السرير .
وحاولت تفوقها .
مالك يامي فيه ايه؟؟
كانت بترد وهيا خايفه وبتعيط

شوفت خيال علي الحيطه بيجري ياماما والله شوفت خيال بيجري
يابنتي تلاقيه خيالك وانت بيتهيأ لك
والله لا ياماما خيال بيجري ومش بتاعي مش عارفه بتاع مين
بتقول الكلام وهيا بتعيط
ماماتها قالت لها:
استهدي بالله بس وقومي صلي الفجر ونامي.
قامت مي صلت الفجر وراحت تكمل نومها
بس المرادي نامت والنور مولع خافت انها تنام في الضلمه .
غمضت عنيها وبداءت تروح في النوم .
شافت حلم غريب .
كانت ماشيه في شارع ضالمه وخيالها جنبها عادي فجاءه مش لاقيه الخيال بتاعها .
بتبص تاني علي الارض شافت خيالها زي ما يكون بيتسنجد بحد كان بينادي علي حد ينقذه .
صحيت مفزوعه من النوم .
وقعدت تفكر ايه الحلم الغريب ده وايه اللي شافته .
صحيت من النوم لقيت رقم غريب رن عليها كتير .
ردت عليه علشان تعرف مين ده .
لقت شيماء بتاعت الكوافير
بتطمن عليها وكانت بتسألها استعملت الكريم ولا لا.
قفلت معاها ورنت على تامر
-الو صباح النور عامل ايه ؟
-الحمد لله ياحبيبتي انت اي عامله ايه؟
-انا مش كويسه خالص انا عاوزه اشوفك
-مالك فيكي ايه
-هقولك بس لما اشوفك
-خلاص ١٠ دقايق وهبقي عندك .وهاخدك ونخرج استنيني تحت البيت
وصل تامر لمي لقاها مستنياه
بس علي غير عادتها لابسه اي كلام ووشها باين عليه الارهاق.
ركبت معاه .
-بيقولها مالك
-قالتله لما ننزل نقعد في مكان .
-قالها خلاص يالا ننزل هنا وكانوا قدام كافتريا
نزلوا دخلوا قعدوا
جه الراجل بتاع الكافيتريا بيقولهم تطلبوا ايه؟
ردت عليه مي بعصببه مش عاوزين حاجه .
تامر استغربها وقالها مالك ياحبيبتي
ردت عليه وهيا في حالة هيستريا خوف علي توتر .
-انا فيا حاجة غريبه ياتامر
-حاجة ايه دي؟
انا شوفت حلم وحش أوي وبدأت تحكي علي الحلم.
قالها متقلقيش دا كابوس ابقي صلي بس قبل ما تنامي .
قالتله لا دا مش حلم انا مش مجنونة انا صحيت برده الساعه 4 لقيت خيالي بيجري علي الحيطه وانا كنت واقفه أغمي عليا .
تامر مستغرب من كلامها وبيقولها مفيش حاجه اسمها كده صلي علي النبي بس
وقفت وصرخت فيه انا مش مجنونة انا عارفه بقول ايه

تامر هداها لأن الناس بدأت تبص عليهم قالها اهدي بس واقعدي..
-أنا تعبت ياتامر أنا خايفه أنا معرفتش انام من امبارح
-لهدي نفسك بس ياحبيبتي.
يالا نروح دلوقتي علشان شكلك تعبانه
-لا انا خايفه مش عاوزه اروح خليني معاك ببقي مطمنه .
-يالا بس وانا هطلع اقعد معاكي فوق شويه .
اخد اديها وهيا ماشيه معاه ركبوا العربيه لحد وصلوا للبيت
طلع معاها مامتها رحبت بيه .
ودخلوا قعدوا شويه دار بينهم كلام كتير عادي .
وبعد ساعه قالها همشي بقي .
قالتله خلي بالك من نفسك.
دخلت علشاني تنام حطت الكريم .
ودخلت الحمام كانت وهيا ماشيه حاسه ان حد ماشي وراها وهوا سخن عند ودنها ولما تبص وراها مفيش حاجه .
لحد ما فجاءه لقيت خيال في الارض بيصرخص وفيه صوت صريخ جامد جدا .
ماماتها سمعت جت جري .
لقت بنتها واقفه مفهاش حاجه بس كانت باصه للارض
-قالتلها انت بتصرخى ليه يا مى
-قالت مش انا .
-مش انتي ازاي يعنى؟
كانت بتتكلم وهيا قويه .
-قالتلها خيال في الارض كان بيصرخ واختفي أول ما جيتي..
كانت بتتكلم كأنها بتحكي حاجه عاديه
-ايه اللي بتقوليه ده مفيش حاجه اسمها كده.
-ماما سبيني خلاص مفيش حاجه.
قفلت الباب علي نفسها .
وطفت النور واول ما شافت الخيال بكل قوه وجراءه.
-انت ايه وعاوز ايه
كان صوت بنت بيتكلم رد علبها.
-وقالها مش هتحوزي تامر هبعده عنك وهخليه يكرهك .
مي اندهشت من اللى سمعته لدرجة انها حتي مكنش فيه رد فعل خوف أو أي حاجه .
كل اللى عملته طلعت من الأوضه وراحت للبلكونه وبتبص في الأرض لقيت الخيال اللى بتشوفه كل مره وكان زي ما يكون بيناديها
بس برده مفيش أي رد فعل منها كانها خدت عليه أو إنها مش مستوعبه لسه اللى حصل .
مسكت تيلفونها واتصلت بتامر
ألو..

-تامر فيه حاجات غريبه بتحصلي
-حاجات ايه يا مي؟
-انت مش هتصدقني يا تامر
-قولي بس ايه حصل
-أنا شوفت الخيال تاني بس المره دي كلمني والله كلمني ياتامر
-لا اله الا الله خيال ايه بس انت شكلك كنت بتحلمي
-يوووووه يا اخي بقي والله ما حلم والله انا شوفته وكلمني وكمان قالي انه هيبعدني عنك
-يامجنونه تلاقي توتر الفرح بس انا مفيش حاجه هتبعدني عنك
-بس انا خايفه يا تامر جدااا انا بقيت مش بحب انام ومش بحب اقف في الضلمه
-نامي ومتخفيش من اي حاجه ومفيش حاجه هتحصل .
-طيب انا هدخل اصلي ركعتين لله وانام .
-ماشي يا حبيبتي تصبحي علي خير
-راح اتوضت وصلت ركعتين وراحت علي اوضتها تنام وفتحت النور
-نامت وصحيت وكانت صاحيه مبسوطه لأنها مشفتش أحلام وحشه ولا حاجه
-مامتها جت تشوفها أول ما جت مامتها راحت مصرخة
-مالك يا ماما فيه ايه؟
-انت اللى مالك وشك عامل كده ليه
-وشي . وشي ماله ؟

– تتبع –

-مين راسملك علي وشك ؟
-رسم ايه .؟
وقامت رايحة للمراية تبص لوشها هيا كمان صرخت واتفزعت
كان علي وشها رسومات مش مفهومة وحروف غريبة
وقورتها من فوق مكتوب عليه .( جمنستافيه) ومرسوم جنبها صورة خرفان
وحروف غريبه مش عارفه تقراها ؟
-استغربت جدا وقالتلها ايه ده ياماما ده من ايه ؟
-مامتها قالتها مش عارفة روحي اغسلي وشك..
دخلت الحمام تغسل وشها .
بس مفيش فايده الحاجات مش عاوزه تروح حاولت تغسلها كتير بس مش بتروح .
طلعت من الحمام بتعيط وبتنادي علي مامتها ياماما الحقيني..
– وشي مش عاوز ينضف . ياماما انا ايه بيحصلي .
– ماماتها راحت عليها واول ما وصلتلها صرخت تاني في وشها
ورافعه اديها بتشاور علي وشها من غير ما تتكلم
– مالك ياماما فيه ايه بتبوصيلي كده ليه ؟
ماماتها بدأت ترد بس زي ما يكون الكلام بيطلع بصعوبه ..
ال ال ال الرسمه بتتحرك..
راحت جري علي المرايه تاني بتبص لنفسها لقيت
ان الرسومات بتتغير لوحدها علي وشها بس الكلمه اللى علي قورتها زي ما هيا
بس بقيت الرسم والحروف بتتغير كانها لوحه مبرمجه وبتغير حروفها وكلامتها.
– قالت لمامتها ايه ده يا اماما فيه اي بيحصلي .
– ماماتها مش لاقيه رد تقوله غير انها سكتت.
– قطعت تفكير أمها وقالت لو تامر سأل عليا قوليله راحت عند خالتها اسبوع . في الصعيد
انا مش عاوزاه يشوفني كده .
لحد ما نشوف حل في اللى بيحصلي ده .
دخلت اوضتها قاعده مش عارفه فيه اي بيحصلها دقايق وبتبص علي وشها تاني لقت مفيش حاجه علي وشها ورجع زي ما كان .
بس فجاءه لقت الخيال بيظهرلها علي الجدار وكان بينادلها بايده وصوت بيقول
دي البدايه لسه انا معملتش حاجه . هتسبيه لازم هتسبيه.
مي سمعت الكلام ومكنش في رد فعل خوف او اي حاجه كانت قويه جدا لدرجة ان مامتها كانت واقفه وراها وشافت اللى حصل اغمي عليها وهيا ولا اي رد فعل
راحت علي مامتها فوقتها .
– اول ما مامتها صحيت قالتلها ايه اللى بيحصلك ده يامي ؟
– مي :بكل قوه وثقه هعرف ياماما انا هعرف .
بس انا عاوزه ادخل مكتبة بابا . وأوضته
– مامتها بتعجب قالتلها وعاوزه تدخلي مكتبة ابوكي ليه؟
– علشان اعرف اي ده ياماما انا عارفه ان بابا عنده كنوز كتب وهلاقي فيها اللى يساعدني اكيد.
– بس ده خطر عليكي .
– هوه هيبقي فيه خطر اكتر من اللى انا فيه دلوقتي ياماما اديني المفتاح لو سمحت
اخدت المفتاح ودخلت الغرفه بتاعت بابها
وراحت للمكتبه بدأت تقرأ أسماء الكتب
وعنيها تيجي علي أسماء كتير منها
أسرار الحروف وسحرها
المس وأسراره
الحسد والجن
شمس المعارف
وقررت إنها تقرأ كتير في الكتب دي

فضلت مي تقرأ كتير في الكتب دي لمده 3 أيام تقريبا منمتش فيهم ولا يوم
ولاحظت حاجه مي كانت طول ماهي بتقراء في كتاب من دول
مكنش بيظهر العلامات علي وشها ولا بتشوف الخيال
ولما تسيب الكتاب وتروح مكان تاني كانت تشوف الخيال قدامها
عرفتإن الكتب دي فيها أسرار كتير
وبعد قرايه 3 أيام عرفت مي إن اللى بيحصل معاها ده سحر
وعلشان تتخلص منه لازم توجهه هيا كمان بالسحر
وقررتإنها هتتحدي الشخص اللى عملها السحر بالسحر .
أول خطوه عملتها إنها اتصلت بتامر وعرفته إنها هتغيب أسبوع كمان عن قرايبها
وقالت لمامتها محدش يدخل عليا وسبوني .
مي أول حاجه عرفتها علشان تقدر تعرف مين عملها السحر
إنها لازم تستعين بحد من الارواح أو الجن .
بدأت تعمل طقوس قريتها في الكتب دي
وأول تنفيذ ليها كان الساعه 3 الفجر .
طلعت مي فوق السطح .
وقعدت مربعه رجليها وفارده شاعرها علي عنيها
وولعت بخور كتير قدامها وبداءت تقول كلمات غريبه
(افجاني كيفنا ريزوا هاتفن ميا اس زيراف )
حركة الرياح بدأت تزيد بعد ما خلصت الجملتين دول
وقامت واقفه مي ووشها للقمر وبدأت تقول
(افجاني افجاني بورا هووو تي فو بيرا )
وفجاءه صوت قطه عالي جداااااا بيتنونو .
ولحظه وقامت ظهرت قطه قدام مي .
بدأت مي تقول كلام تاني
(افجاني هوستا افو هويتا افو )
بسرعه القطه اختفت من قدامها وبقت خيال الخيال ده
بداء يمشي علي جسم مي لحد ما انتهي خالص . وبقي مش موجود.
مى قعدت مربعه مره واحده فتحت عنيها جامد
لون عنيا بقي لونه أبيض جدا مفيش فيها النن او أي شئ.
وبدأ صوتها يتغير وصوت راجل بيقول .
عاوزه تاذيكي علشان تاخد خطيبك اوعي تسمحيلها لازم نحاربها .
الكريم هوه السبب احرقيه .
شهقت شهقه كبيره كأن روحها بتطلع منها ولون عنيها رجع لطبيعته .
نزلت مي من فوق السطخ راحت أوضتها علي طول وأخدت الكريم
وولعت ناار وقمت رامياه فيه
النار كبرت أول ما الكريم اترمي فيه ولونها اتغير وبدأخيال يظهر في النار كانه بيتحرق
وسمعت صوت بيقولها برده مش هتسيطري عليا انا خلاص بقيت جواكي أنا راجعالك تاني .
الساعه جت 5 الصبح لبست مي ونزلت ركبت عربيتها .
وطلعت علي الطريق الصحراوي دخلت وسط الصحرا
في مكان بعيد جداااا قلعت هدومها كلها كما ولدتها امها
وبداءت تقول
(باسم حروف الافيزتيا اعرف من الصاحبه هوستا رعاها لو جفي)
دوامة رملية جت من بعيد علي مي وزي ما تكون اخدت مي جواها .
مي جوه الدوامة وهيا بتلفها بدأت تشوف صورة صاحبة الكوافير .
وهيا ماسكه شعر وقاعده تقص فيه وتحط علي دم وتقول كلام غريب
عرفت مي إن صاحبة الكوافير هيا السبب في ده كله .
لبست مي هدومها ورجعت علي بيتها
ماماتها شافتها شكلها متغير شكلها بقي يخوف مش هيا مي اللى متعودين عليها؟.
مالك يا مي عامله كده ليه شكلك غريب اوي
انا عرفت يا ماما مين عمل فيا كده وهاخد حقي .
هتاخدي حقك ازاي بس هاخد حقي بطريقني ياماما.
دخلت مي المكتبه قعدت تقرأ في كتب لحدما الساعه وصلت 12 بليل
لبست ونزلت
مامتها بتسالها انت رايحه فين ؟
ردت عليها وهي خارجه وبتقفل الباب لما اجي هقولك
نزلت مي وركبت عربيتها وراحت
فى اتجاه المقابر .
دخلت المقابر . ادت لحارس المقابر 200 جنيه وقالته انا عاوه مقبره تفتحهالي
تكون داخله فيها جثه من مده صغيره
قالها في مقبره لسه داخله جثتها النهرده قالتله افتحها
دخلت مي المقبره وقلبها زي الحديد
مش خايفه من حاجه
أول مادخلت المقبره بدأت الرسومات اللى علي وشها تبان وتظهر تاني
قعدت مي ودخلت المقبره مسكت إيد الجثه وشبكت صوابعها بيها وبدأت تقول
(ميرايتا عفيتا هيني اوبسوتا خجيا عترف ميرفعا ساثا)
وأخدت قلم أحمروبدأت ترسم علي الكفن 6 مربعات
كتبت في المربع الاول رقم 8 والتاني 9 والتاليت كتبت فيه 14 والرابع كتبت حرف ف والخامس كتبت مورنيا والسادس رسمت فيه كفإيد
كل ده وهيا ماسكه إيد الجثه فجأة الجثه اتنفضت من مكانها كأن الروح ردلتها الجثه بتنفض وفيه صريخ جامد وصوت مش معروف مصدره
ووش مي بدأت الحروف اللى عليها تظهر تبقي بارزه ولونها اتحول للون النار .
ولون عنيها اتحول للابيض .
والجثه بتننفض وضوت صريخ مالي المكان
بدأت مي تقول بصوت عالي
(هاتسنا عيتان جيتسا اخوندير ملك )
الجثه اتحركت واتنفضت من مكانها وقعدت ومسكتها من كتفها
وبدأ صوت يطلع منها ويقول هتموتيني هموت سبيني خلاص انا هسيبك في حالك بس بلاش تموتيني )
فجاء الجثه اتنفضت مكانها تاني ورجعت زي ما كانت ولون عين مي رجع لطبيعته
وبدأت الرسومات اللى علي وش مي تقع من وشها زي التراب كانها ميه بتنزل من وشها .
رجعت مي علي البيت ماماتها كانت لسه منمتش سألتها كنت فين
قالت خلاص ياماما خلصت كل حاجه معتش هشوف حاجه وهتجوز تامر خلاص
انت عملتي ايه يابنتي ؟؟ خلاص يماما بقي .
اتصلت بتامر وقالتله عاوزين نروح الكوافير بكره . انا جيت بيتنا
راحت مي وتامر للكوافير بس لقيه مقفول ومكتوب العزاء في شيماء.
اتصدم تامر اي ده عزاء هيا ماتت الله يرحمها .
ومي اترسمت ابتسامه علي وشها ابتسامة انتصار و غل.
كان معدتش عندها احساس مفيش شعور
وببرود قالت لتامر
قالتله خلاص نحجز في كوافير تاني
تامر بصلها باستغراب . بس مركزش معاها.
المهم
راحوا كوافير تاني وحجزوا
والايام جرت واتجوزوا مي وتامر .
وفي يوم من الايام مي طالعه البلكونه بليل شافت حاجه غريبه اوي
خيال شيماء وصوت بيقول مش هسيبك انا رجعلت